قصة حب محمود وكريستين الحلقة الخامسة

قصة حب محمود وكريستين الحلقة الخامسة

 

الحلقة الخامسة

و بعدين قومنا نتمشو شوية ...
و فجأة لقينا نجوى وقفت و بتقول ... انا عايزة اعمل حمام .....
مصطفى قالها : و يا ترى عايزة تعمليه سيراميك و لا بورسلين ؟؟
قالتله ... بتكلم بجد ... مفيش حمام هنا ؟؟
قالها ... تقريبا فى .. بس م اعتقدش انه يكون مفتوح
و بعدين دا ف اخر المنتزة جوا وعلى م توصلي هتكونى رويتى كل الشجر اللى ف السكة .
رديت انا وقولت : نوجا ... قالتلى .. يا نعم
قولتلها : على اى جنب كدا و صرفى نفسك اعتبرى نفسك فـ الجيش .
ردت شيماء و قالت : و الجيش قالك اتصرف .. قولتلك كذا مرة و انتى اللى م بتسمعيش الكلام و هقولهالك للمرة العشرين ...متشيليش البامبرز من شنطتك و انتى خارجة ههههههههههه

ردت نجوى علينا : يا شوية مواكيس اتلمو و انتى يا شيماء حسابك معايا بعدين ..
اصبرى على رزقك اللى جاى اكتر م اللى رايح .
قولتلها ... مواكيس .. مواكيس يا نوجا

انا راضى زمتك فى انسة جميلة رقيقة زيك تقول اللفظ دا ...
جتها نيلة اللى عايزة خلف يا ريتها م خلفت و لا فكرت ف الجواز .
اقولك يا نجوى ... اصبرى بقى ع متروحى البيت ... قالتلى : لا مش قادرة
قولتلها .. بصى فى حمام فـ فتح الله ماركت .. ياللا بينا نخرجو م الباب اللى بيطلع عليه .
تدخلى الحمام ... وبعدين نروحوا ...
و رحنا خارجين م المنتزة ... و عاملين رحلة تانية لحمام فتح الله ماركت
شيماء و نجوى راحو الحمام ... و انا و مصطفى استنيناهم ف الشارع ...
و بعد م خلصوا ... ركبناهم انا و مصطفى المشروع ( الميكروباص) ..
و قولنالهم .. اما تروحوا البيت رنولنا .. قالوا .. اوكيز
قولنالهم ... ياللا سلام نشوفكم بعد بكره بقى ...
و قولت لمصطفى ... م تيجى يا درش نتمشو شوية ع البحر ..
قالى : يا جدع فكك ... انا مطبق من امبارح و لحد دلوقتى م نمتش ..
و خلاص فصلت بقالى ساعتين ... قولتله ... على رأيك .. الواحد عايز يظبط نومة
عشان كدا فاكس الواحد بيجى الكلية قتيل ... ياللا نركبوا من ع البحر اى اتوبيس نازل المحطة وننزلوا منشا .. نتمشوا لحد الأسكندرانى ... قالى .. فل عليك
طلعنا ع البحر نطينا ف أتوبيس ... و رواحنا قتلى ... دخلت البيت ع الساعة 7.30...
اول م دخلت ... قولت .. السلام عليكم ..
قالولى .. و عليكم السلام .. ايه يا بنى اتأخرت ليه انهارده ... قولتلهم ... خلصت و قعدت مع صحابى شوية ... ايه انتو اتغديتو و لا لسة ... امى قالتلى لقيناك اتأخرت .. روحنا متغديين ...
احضرلك تاكل ... قولتلها .. حضرى لحسن انا ميت م الجوع ...
عاملالنا ايه انهاردة يا ست الكل ... قالتلى ... سمك مقلى و رز و مسقعة ... على م تغير هدومك ... اكون حضرتلك ... قولتلها ... قشطة .. دخلت غيرت هدومى ... و طلعت كان الأكل اتحضر ... اكلت ... و دخلت اخدتلى دش و جرى ع السرير .. نمت زى القتيل ...
و اول م رحت ف النوم .. شوفت كريستين ف الحلم ... لكن م تكلمناش مع بعض ...
و اول م خلص الحلم ... فتحت عنيا و صحيت م النوم مبسوط جداا ...
كانت الساعة 8 تقريبا و فضلت فارد جسمى ع السرير نايم صاحى
ولقيت نفسى غصب عنى بفكر فيها ... و فعز سرحانى ...
امى قطعت حبل افكارى ... قوم ياللا يا بنى ... عشان تروح كليتك ...
قولتلها ... انهاردة اجازة معنديش محاضرات ... قالتلى ... طب قوم هاتلنا عيش ...
معندناش ولا لقمة ف البيت ... قولتلها ... طب تمام .. نقضيها مكرونة و رز مش مهم عيش ... قالتلى ... وعايزين شوية حاجات للبيت ... قولتلها ... طب سيبينى انام شوية ...
قالتلى .. خلص و انزل قبل م الفرن يتزحم ... و لا انزل اجيب انا ؟ ..
قولتلها لا خليكى انا هقوم اهو خلاص ... دخلت اخدت دش ف السريع
ولبست و نزلت ع الفرن ... بتاع ابو واحد صاحبى ... جبت ب 5 جنى عيش عشان امى متقوليىش عايزة عيش لمدة اسبوعين ... والله الواسطة حلوة و بتنفع ف الحاجات دى ...
و بعدين روحت اشتريت شوية حاجات للبيت م السوبر ماركت ... و رحت مروح
و انا مروح ... شميت ريحة فلافل ... ريحيتها مغرية و خصوصا ان معايا العيش سخن
... عديت جبت فلافل ... وروحت طالع ع البيت ... امى اول م شافتنى
قالتلى .. بسم الله ما شاء الله .. ايه العيش دا كله يا بنى ... قولتلها .. خير خير .. عشان يكفينا اسبوعين تلاتة .. انتى و شطارتك بقى ... راحت ضاحكة و قايلالى .. طب ياللا عشان نفطر وبدأت حفلة الفطار العائلية ... فطرت الفطار المتين ... و دخلت ع الكومبيوتر ...
اشرب كوباية الشاى وانا بتصفح الكومنتات و الرسائل ع الفيس ...
و بعدين شوية ... و اتصلت بمصطفى ع الساعة 2
... الو .. ايه يا عروسة .. صباحية مباركة ...
اصحى ياللا ... قالى .. عروسة مين يا روح امك ع الصبح ... قولتله ... هههههههه
لازم كدا ازاول اهلك ع الصبح عشان تفوق ... قالى ...عايز أيه ؟
... قولتله ... اعمل حسابك نازلين الجيم انهاردة س7 .. قالى نعم ؟! ليه .. صحة زيادة ؟
.. قولتله .. البنات احلوت و الصحة زادت
خليها تروح ف الجيم احسن م تروح ف حاجات تانية ...
قالى خلاص يا عم انت هتسيح .. خلاص ... نتقابلو ف اوريكا عند المكتبة على س 6.30
قولتله .. متلطلعنيش ف الشارع .. متتأخرش .. قاللى .. بطل رغى بقى .. سلام
قولتله سلام ... المهم اتغديت ع الساعة 4.30 و قعدت شوية حضرت الهدوم اللى هلبسها
و مسحت الفلاتة (الكوتشى) ... كانت الساعة بقت 6 رنيت لمصطفى كانسل عليا ... قولت يبقى نزل ...فرحت نازل ... و رحت زى م اتفقنا عند مكتبة اوريكا استناه ... و طبعا وصلت الاول .. وانا واقف ... شوفت كريستين ... ماشية مع ست كبيرة .. تقريبا امها ... كانوا جاين من بوالينو .. المهم اول م لمحتها ...........

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
و دا اللى هنعرفه الحلقة الجاية 

الحلقة السادسة