الحلقة السابعة
استنو اما اتصل بـ محمود اشوفه فين ... الكلام دا كان ع الساعة 11.30 ... طلعت الموبايل ..
و رحت متصل به و اول م ادانى جرس .. اديت التليفون لنجوى تتكلم هى ...
و يا عينى البنت اخدت الموبايل بحسن نية ...
و اول م حطيته ع ودنها ... لقت صندوق زبالة اتفتح ف ودنها ... يا عينى محمود بيحسبها انا
و كان واخد راحته شويتين ف الكلام و اداها الطريحة التمام شتيمة م اللى قلبك يحبها
... لقيت البنت تنحت فجأة ... و ازمهلت ووشها احمر ... ومش مستوعبة اللى بتسمعه
... وقالتله ..
يا سافل يا قليل الأدب يا حيوان ... و راحت قافلة السكة ف وشة ...
ساعتها انا كنت بتفرج عليها و برفص ف الأرض م الضحك و شيماء مش عارفة انا بضحك ليه و عمالة تسألنى ... قولتلها ... اصبرى ... هتعرفى كل حاجة دلوقتى ... ساعتها كانت نجوى خلصت ... و بتدينى الموبايل ... و بتقولى ... محمود دا طلع سافل اوى ايه البلاعة اللى فتحت دى ... قولتلها ... م انتى عارفة ... الصرف الصحى بقى زى الزفت ... مفيش اى اهتمام بالمرافق ... مكملتش انا الكلمة ... و لقيت مصطفى بيتصل بيا كانسلت عليه ... اتصل تانى رحت مكنس عليه ... اتصل مرة تانية رحت فاتح عليه ... قالى ... انت مبتردش ليه ... قولتله بهدى البنت الغلبانة اللى انت عملتلها عاهة و خرمتلها طبلة ودنها دى ... المهم ... لازم تيجى دلوقتى ... عشان نجوى زعلانة منك أوى بعد وقاحتك يا سافل ... تصدق يا سافل دى لايقة عليك ... قالى انا مش قادر اتحرك هات اكلمها ... قولتله استنى اما اسألها ... ؟؟
يا نجوى ... مصطفى عايز يكلمك ...قالتلى .. مش عايزة اكلم الواطى دا تانى ...
قولتله سمعت .. يا واطى بقيت واطى و سافل .... اهى لسة مقموصة
قاللى.. امرى لله هضطر اجى .. قولتله ... ياللا سلام مستنينك بس بسرعة قبل م البنت تمشى
قالى .. اوك ... و قفلت .. و رحت قعدت مع الموزتين ... نجوى و شيماء ...
نزاولوا فـ بعض شوية و نهزروا مع بعض ...
و فجأة ... لقيت كريستين معدية من بعيد هى و صحابها ... و بتبص عليا ... و طبعا .. عملت نفسى مش واخد بالى .. و تماديت ف الهزار ... شوية و لقيتها راجعة و بتبص عليا تانى
... عملت نفسى من بنها وولا كأنى شايفها و استمريت ف الهزار و الضحك ... بس كنت مركز معاها ف الأستخبص كدا ... من غير م حد ياخد باله
... المهم ... فضلت مركز معاها لحد م صحابها سابوها و بقت لوحدها ... رحت رايحلها ...
اول م شوفتها ... قولتلها .... انتى فين يا بنتى .. قلقتينى عليكى ... دا انا قالب عليكى الكلية
م الصبح ... قالتلى ... اه م انا عارفة انك بتتعب اوى ف الكلية دى ...
قولتلها .. عشان كدا رحت الجيم ... قالتلى ... ايه ؟؟ ... قولتلها .. لا مفيش دا موضوع كدا هبقى اقولك عليه بعدين ... المهم ... جبتيلى المحاضرات ... قالتلى .. اه جبتهملك كلهم ... بس مش هديهوملك ... رجعت ف كلامى ... قولتلها ... نعم ... رجعتى ف كلامك .. ؟!
الكلام دا تبقى تقوليه ف القسم ... رجعتى ف كلامك ايه يا بطة ...
احنا معندناش بنات قمامير حلوين زيك كدا ... يرجعوا ف كلامهم ...
قالتلى ... على فكرة انا بكلمك جد مش هديهوملك ... قولتلها .. ليه ؟؟
قالتلى ... على فكرة انت ممكن تاخدهم من البنات الحلوة اللى كنت واقف تهزر معاهم ...
قولتلها ... بنات ؟ و كمان حلوة ؟! ....
اى نعم انا اعرف بنات كتير بس انتى فنظرى ..احلى و أجمل بكتير ...
لقيتها راحت مسقفة و قالتلى ... برافو عليك ياحودة .. يا ريتك كنت دخلت
معهد فنون مسرحية ... كان زمانك نجم .... ممكن تمضيلى اوتجراف ...
قولتلها ... حبيبتى .. انا عارف يا بنتى ان انا نجم من يومى ...
بس لازم اتواضع و اقف مع عامة الشعب و اتفقد احوال الرعية ...
زى م انا واقف معاكى دلوقتى ... قالتلى ... يا راجل ؟!! قولتلها .. طبعا ...
و رحت مشاور بأيدى كأنى بسلم على حد ماشى من وراها ...
و قولت .. ايه يا دينا فينك ؟! ... اول م كريستين سمعتنى بقول .. دينا ...
لقيتها راحت بصة وراها بسرعة وراحت مبرقالى ... ابتسمت ابتسامة شريرة شوية
و قولتلها ... حبيبتى متتخضيش دى بعتة مش أكتر ... ههههههههه
..قالتلى ... تصدق ان انا غلطانة اساسا انى وقفت معاك ... انت انسان مستفز جدا
و كانت لسة هتسيبنى و تمشى و لسة هتدينى ضهرها ... مسكتها من اديها ... و قولتلها .. راحة فين بس ... ؟؟ قالتلى ... سيب أيدى .. احنا ف الكلية ؟؟ ... قولتلها .. طب خلاص ..
عرفت انك غيرتى من نجوى و شيماء ... قالتلى .. نعم ؟؟ انا اغير م الأشكال دى ... دا انا احلى منهم مليون مرة ...
قولتلها ... م انا عارف يا قمر ... دا انت الحلال و الحته اللى ف الشمال
قالتلى ... ايه اللى بتقوله دا فى طالب جامعى يتكلم كدا ؟؟ انت محسسنى انك سواق مشروع
قولت فنفسى ... يخربيت الاطة اهلك ... قالتلى بتقول حاجة ؟؟! ... قولتلها ... لا مفيش
... تعرفى انا بحس براحة م تتوصفش ... و انا واقف معاكى و عينى ف عينك ... ببقى عايز اقولك كلام كتير ... ليتها بدأت تتجاوب معايا ... وقالتلى ... كلام كتير زى ايه يعنى ؟؟
... قولتلها ... زى .. هاتى المحاضرات مثلا ...ههههه
قالتلى ... انت استاذ ف الغتاتة ... قولتلها ... شهادة ..اعتز بيها من حضرتك
ممكن الأسكتش بقى .. قالتلى .. صعبت عليا هدهولك تصوره ... قولتلها .. لا هجيبهولك بكره
اصل انا بحب انقل المحاضرات بأيدى ... قالتلى .. شحات و بشحت عيش فينو ...
قولتلها ... ايه الألفاظ دى ؟؟! .. محسسانى انى بكلم داده فحضانة ؟! ..
كدا بصره يا جميل ... سواق مشروع .. ودادة فحضانة ... فعلا .. عائلة مكافحة
قالتلى ... دادة ... انا دادة ؟!! قولتلها ... انتى احلى و اجمل دادة شوفتها فحياتى
ياللا بقى هاتى الأسكتش و هجيبهولك بكره ...
و عموما .. دا رقم تليفونى ... عشان لو قلقتى عليه ... و رحت كاتبلها رقم تليفونى على ورقة ف الأسكتش عندها ... و قطعتها و اديتهلها
قالتلى ... قلقت على مين ؟؟! ... قولتلها الأسكتش طبعا
قالتلى ... على فكرة انا مش هديك رقم تليفونى .. قولتلها ... و على فكرة انا م طلبتوش منك ...
يخربيت الأحراج .. بتحطى نفسك ف مواقف بايخاااااااااااا ... قالتلى ... ماشى ماشى مردودالك
قولتلها ... انتى هتعملى أيه دلوقتى ... قالتلى ... هفطر ...
قولتلها ... تمام اوى ...نفطروا مع بعض عشان يبقى عيش و قمح ... قالتلى اوك ...
و اخدتها و طلعت ع هريدى ... ها يبطة ناوية تاكلى ايه ؟؟
قالتلى 2 بطاطس بيتى بان كاتشب بس ...
قولتلها و ليه بطاطس بس ؟؟ فين البرجر و السوسيس و الكفتة و الشاورمة و الكبدة
... دا انتى بتتعبى و بتكتبى المحاضرات ... قالتلى .. اصل انا صايمة .. قولتلها .. اللهم قوى ايمانك ... و كمان بتصومى اتنين و خميس ؟! ... قالتلى .. لا دا الصيام الكبير يا خفيف
قولتلها ... و انتى صايمة نص يوم و هتفطرى الضهر كدا ف عز النهار قدام الناس ... قالتلى .. هسيبك و امشى قولتلها خلاص هجيبلك .. اقعدى هنا على م اجيب ... و بعدين رحت جبتلها اتنين بطاطس بالكاتشب و جبت لنفسى واحد بطاطس بالكاتشب والمايونيز وواحد سوسيس ... و قولت اما اعمل فيها مقلب ...
و خليت الراجل ... يحط سندوتش البطاطس بالكاتشب و المايونيز مع سندوتش البطاطس بالكاتشب ف كيس لوحدهم و الساندوتشين بتوعى يحطهم مع بعض ... كدا بقى كريستين معاها سندوتشين واحد كاتشب وواحد كاتشب بالمايونيز ... و اخدت السندوتشات ورحت ع الترابيزة
عشان ناكلو ... عطيتها السندوتشات وفتحت سندوتشاتى و قعدت اكل ... و هى راحت فاتحة سندوتش البطاطس اللى بالكاتشب و المايونيز و طبعا الوش كله كاتشب ... و هى عشان
م توسخش اديها ... طلعت حتة من السندوتش و مسكت باقى السندوتش بورقته ...
و اول م اخدت اول قطمة
قالتلى ............................................
ــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
و دا اللى هنعرفه الحلقة الجاية
